Биографија
Ненад Јолдески е роден на 26.11.1986 година во Струга. Дипломирал на државниот економски факултет во Скопје. Моментално е постдипломец на катедрата за Општа и Компаративна книжевност на филолошки факултет и работи на магистерската теза на тема ИНТЕРТЕКСТУАЛНА ИРОНИЈА ВО ПОСТМОДЕРНИОТ РАСКАЗ. Активно се занимава со пишување.
Јолдески е автор на првонаградента книга на конкурсот НОВИТЕ (2009) наречена „ШТАМАТА НА ЕНХАЛОН“ – збирка раскази напишани на струшки дијалект и сленг.
Јолдески е еден од основачите на групата Wezdensky – отворено арт здружување, преку кое досега успешно беа изведени на сцена: „Ајнштајновите сништа“ на Ален Лајтман, култната „Инсомниа“ на Димитрие Дурацовски и „Старица“ на Данил Хармс.
На неговата официјална страна можат да се најдат текстови од неговите три претходни блогови и неговите најнови натписи.
Текстовите на Јолдески се објавени во неколку наврати во најразлични книги, списанија и on-line магазини.
