Тој беше свештеник, таа курва. Дејствуваа во спротивна смисла. Се сакаа.
Доволно антагонистички за да станат best seller, доволно минималистички за да е уметност.
Category : Кратки приказни за сѐ, раскази
Се родив гол. Пред 22 години, во 15 за 9, ноќна смена. Докторот рекол: „Се е во ред, само има едно нешто… вашето дете … има единаесет прсти.“ Тако ми се насмевнал, мајка ми паднала во несвест.
Кога се разбудила побарала да ме види.
Единаесеттиот прст бил еднаков со мојот среден прст и висел неодредено. Докторот шегаџија од тогаш престанал да се шегува но затоа времето продолжи.
Category : Кратки приказни за сѐ, раскази
Секој утро купував цигари од истата трафика. Продавачката речиси никогаш ја немав слушнато да зборува. Таа мене цигари, јас неа пари – игравме едноставна игра. Беше млада, во своите најубави години. Често зјапав во нејзините гради. Не ми замеруваше. Тие неколку секунди, кога нашата трговска размена добиваше смисла и го оправдуваше самото нејзино значење, за мене беа се. Само тогаш чувствував.
Често ја замислував како ми се насмевнува. Се оцртуваше пред мене и токму кога линијата на нејзината насмевка се ближеше до перфектен лак, јас добивав шамар. Мојот другар ја мразеше таа моја состојба кога сонувам со отворени очи. Сигурно сум имал многу глупав израз на ликот. Несомнено е. После секој удар, палевме цигара.
Поминуваа денови. Ритуалот се повторуваше секое утро, се додека еден ден неа ја немаше повеќе. На столот во малата трафика стоеше грозна дебела жена со големи очила. Гледав во неа повлекувајќи ги чекорите. За неколку минути бегав со сета моја сила само за да бидам што подалеку од тоа суштество.
Престанав да пушам.
Category : поезија, поезија на македонски јазик
Јас всушност чекорам само поради формата
на моите плунки кои се лепат на валканиот асфалт
и кои ја менуваат формата како и секоја
зависна променлива. Continue Reading
